تاشقند 24 فروری(اے پی پی) پاكستان او ازبكستان د څيزونو او خذمات په څانګه كښې تجارت ته د ودې وركولو لپاره د يو ارب ډالرو ماليت په لوظ نامه لاس ليك كړے۔په لوظ نامه لاس ليك د پاكستان او ازبكستان شريك تجارت٬معاشيات٬سائنسني او تكنيكي مرستې بين الحكومتي كمېشن 8مې غونډې په موقع شوے ۔غونډه د ازبكستان په پايه تخت تاشقند كښې شوې۔د خزانې وفاقي وزير سېنېټر اسحاق ډار او د ازبكستان د سرمايه كارۍ٬صنعت او تجارت وزير لذيذ قدرت د غونډې مشري كړې ۔په غونډه كښې دواړو هېوادونو د تجارت٬معيشت٬بينكارۍ٬صنعت او پیداوار٬سرمايه كارۍ٬ټېكسټائل انډسټري٬توان٬تيل٬ قدرتي وسائل٬ټرانسپورټرېشن٬مواصلات٬كركيلې٬سېلګرۍ او د كلتور په څانګو كښې اړيكو ته د ودې وركولو په طريقو د خيالاتو څرګندونه كړې ۔په غونډه كښې د ازبكستان پلاوي د تجارت٬ټرانسپورټ٬بينكارۍ او كركيلې په څانګو كښې اړيكو ته د ودې وركولو لپاره د دواړو هېوادونو هڅې وستائېلې۔ازبك پلاوي ووئيل د يو ارب ډالرو لوظ نامې څخه به د دواړو هېوادونو ترمينځه څيزونو تجارت او خذمات ته وده ترلاسه شي۔د خزانې وزير اسحاق ډار په شريكه غونډه كښې د ازبكستان خوښي وستائېله۔ده ووئيل د دواړو هېوادونو ترمينځه ټرانسپورټ٬تجارت او نورو څانګو كښې اړيكو ته ودې ترلاسه كېږي۔ده ووئيل پاكستان آټو موبائل ٬انفارمېشن ټېكنالوجي او قدرتي وسائلو په څانګو كښې ازبكستان سره د مرستې خواهشمند دے۔شريكه غونډه كښې دواړو هېوادونو د تجارت استعداد څخه د بشپړې استفادې په ضرورت زور راوړو۔په غونډه كښې د پاكستاني پلاوي مشري د خزانې وزير اسحاق ډار وكړه۔پاكستاني پلاوي كښې د وزيراعظم خاص مرستيال طارق باجوه٬خاص مرستيال ذوالفقار يونس٬د اقتصادي چارو ډويژن وفاقي سكرټري ډاكټر كاظم نياز او نوروسينئر چارواكې شامل وو ۔د ازبكستان پلاوي مشري د سرمايه كارۍ وزير لذيذ قدرت وكړه او په دې موقع د لوبو وزير همريو اوبيك نعمت او د ازبكستان چيمبر آف كامرس چيئرمېن اكرم اېډم هم موجود وو۔په غونډه كښې پريكړه وكړې شوه چې د شريك بين الحكومتي كمېشن راتلونكې 9مه غونډه به په كال 2024 كښې كېږي۔د دې نه پس اسحاق ډار د ازبكستان د سرمايه كارۍ وزير لذيذ قدرت سره هم ملاقات وكړو
پاكستان او ازبكستان د څيزونو او خذمات په څانګه كښې تجارت ته د ودې وركولو لپاره د يو ارب ډالرو په لوظ نامه لاس ليك وكړو
مضمون کا ماخذ : پاور بال لاٹری
متعلقہ مضامین
.jpg)
