اسلام آباد 03 مارچ (اے پي پي) د پاکستان مسلم لیګ (ن) او اتحادی ګوندونو امیدوار محمد شهباز شریف 201 ووټ ترلاسه كولو سره د ايوان قائد ایوان او د اسلامی جمهوریه پاکستان وزیراعظم منتخب شوې دے۔ د اتوار په قامی اسمبلۍ كښې د سپیکر سردار ایاز صادق په مشرۍ كښې په غونډه كښې په ډویژن بنیاد د وزیراعظم د انتخاب عمل وكړې شو۔غړي په دوه ډویژنو كښې تقسیم کړې شوې ؤ۔دې نه پس د ووټونو شميرې وشوه او غړي بيرته ايوان ته راوبللې شول دې نه پس نتيجه الان كړې شوه۔د مسلم لیګ (ن) او اتحادی ګوندونو امیدوار شهباز شریف 201 دغسې د سنی اتحاد کونسل امیدوار عمر ایوب خان 92 ووټونه ترلاسه كړي۔ بلوچستان نېشنل ګوند مشر اختر مینګل ووټنګ كښې برخه وانه خستله۔هغه د ډویژن په وخت په خپل سېټ ناست ؤ دغسې د علماء اسلام پاکستان غړو په غونډه كښې كډون ونه كړو۔په 23 ستمبر 1951 زيږدلې شهباز شریف دې څخه وړاندې هم يو ځل وزيراعظ پاتې شوې دغسې درې ځله د پنجاب وزير اعلیٰ پاتې شوې،هغه په وړمبې ځل د 11 اپریل 2022ء نه تر 14 اګست 2023ء د پاکستان ډیموکریټك موومنټ پلیټ فارم څخه د وزارت عظمیٰ په منصب پاتې شوې۔ شهباز شريف دې څخه وړاندې درې ځله د پنحاب وزیراعلیٰ پاتې شوې،هغه درې ځل د هېواد وزیراعظم پاتې كيدونكې محمد نوازشریف کشر ورور دے كوم چې د 1988ء نه تر 1990ء د پنجاب اسمبلۍ دغسې 1990ء نه تر 1993ء د قامی اسمبلۍ غړے پاتې شوې ، 1993ء نه تر 1996ء پنجاب اسمبلۍ كښې د مخالفې ډلې مشر پاتې شوې ، 1997ء كښې هغه د پنجاب وزیراعلیٰ جوړ شوې او تر كال 1999ء په دې چوكۍ پاتې شوې دې نه پس وفاق سره د هغه حکومت ختم کړې شوې۔هغه په هېواد كښې د جمهوریت په بحالۍ كښې په زړه پورې كردار ترسره كړې۔
شهباز شریف 201 ووټونه ترالاسه كولو سره وزیراعظم منتخب شو
مضمون کا ماخذ : لاٹوفاسیل
متعلقہ مضامین
