اسلام آباد ۔ 25 فروری (اے پی پی) وزیراعظم عمران خان منی لانڈرنگ کوں قومی معیشت کیتے ناسور قرارڈیندے ہوئے فنانشنل مانیٹرنگ یونٹ (ایف ایم یو) کوں بیا فعال اتے مستحکم کرنڑ دی ہدایت کیتی اتےآکھیا جو منی لانڈرنگ اچ ملوث عناصر کہیں رعایت دے حقدار نئیں، اینجھے لوکاں کوں ہر صورت لوکاں دے سامنڑے گھن آیا ویسی۔اے گالھ انہاں منی لانڈرنگ روکنڑ کیتے اقدامات دے جائزہ اجلاس دی سڈارت کریندے آکھی۔اجلاس اچ وزیرِ خزانہ اسد عمر، معاون خصوصی شہزاد اکبر، معاون خصوصی افتخار درانی، گورنر سٹیٹ بنک طارق باجوہ، سیکرٹری داخلہ، چئیرمین ایف بی آر، چئیرمین ایس ای سی پی، ڈی جی ایف آئی اے اتے بئے حکام وی موجود ہن۔اجلاس اچ گورنر سٹیٹ بنک منی لانڈرنگ روکنڑ کیتے پورے ملک دے کمرشل بنکاں اتے سٹیٹ بنک ولوں اقدامات تے بریفنگ ڈتی۔ وزیراعظم کوں ڈسایا گئے جو جعلی اکاونٹس اچ ہنڑ تئیں چھ مختلف بنکاں کوں 247 ملین روپے جرمانہ جڈاں جو 109 افسران دے خلاف تحقیقات جاری ہین، پاکستان اچ راہنڑ االے افغان مہاجراں کوں اکاونٹ کھولنڑ دی سہولت ڈیونڑ کیتے نادراولوں جاری کردہ پروف آف رجسٹریشن ( پی او آر) کارڈ دی بنیاد تے کم تھیندا پئے۔مشکوک ٹرانزیکشنز رپورٹس دے اجراءاتے فنانشل مانیٹرنگ یونٹ ولوں انہاں رپورٹس دے جائزے اتے انہاں تے تحقیقات تے وی بریف کیتا گئے۔ڈسایا گئے جو بیرون ممالک توں فنانشل انٹیلی جنس شئیرنگ سانگے برطانیہ، قطر، متحدہ عرب امارات اتے آسٹریلیا نال ایم او یوز تے دستخط کیتے ویندے پین۔اجلاس اچ کسٹم حکام جولائی2018 توں جنوری 2019 اچ کل ضبط شدہ اشیا بشمول کرنسی دی مالیت بارے وی ڈسایا گیا۔ایف بی آر مشکوک ٹرانزیکشنز تے کارروائیاں، ریکوری اتے تحقیقات بارے ڈسایا۔
وزیراعظم عمران خان دے زیر صدارت منی لانڈرنگ روکنڑ کیتے اعلی سطحی اجلاس
مضمون کا ماخذ : پاور بال کے اعدادوشمار
متعلقہ مضامین
