اسلام آباد ۔ 3 ستمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو مظلوم کشمیریاں دی آہیں تے سسکیاں عالمی ضمیر جھنجھوڑ تے رکھ ڈتے ، بھارت حق اتے سچ دی آواز دبا نی سگدا، بھارتی گھمنڈ اتے تکبر خاک اچ رلدا ویندے ،ہر پاسے اینکوں منہ دی کھاونڑیں پوسی ۔منگل کوں اپنڑے ٹویٹ اچ انہاں آکھیے جو مظلوم کشمیریاں دی آہ تے سسکیاں عالمی ضمیر کوں جھنجھوڑ تے رکھ ڈتے ۔ بھارت حق تے سچ دی آواز کوں دبا نی سگدا ۔انہاں آکھیے مقبوضہ کشمیر دے عوام دے جائزتے قانونی حقوق دی آواز یورپین پارلیمنٹ اچ سنڑائی ڈتی ۔انہاں آکھیے جو یورپین پارلیمنٹ مقبوضہ کشمیر دی صورتحال کوں تشویشناک قرار ڈیندے ہوئیں وختی کرفیو چاونڑ دا مطالبہ کیتے ۔ ڈاکٹر فردوس عاشق اعوان آکھیے جو او ڈینھ پرے کائنی جڈاں وادی جنت نظیر اچ آزادی دا سجھ ابھرسی ۔
مضمون کا ماخذ : números quina hoje
