اسلام آباد۔14مارچ(اے پی پی) د ماحولياتي بدلونونو وفاقي وزيرې شېري رحمان وئيلي دي چې ماحولياتي بدلونونه بشري ژوند لويو خطرو سره مخ كوي٬ د دې له امله رامخې ته كېدونكې مسئلې د ادارو په مرسته حل كېدې شي٬ د نړې زياتې سيمې د ګلېشئر ويلې كېدو او هيټ ويوز د لاسه ځپلې كېږي٬ د سپرلي موسم ختم شوے دے۔ د نهې په ورځ د نېشنل ډيزاسټر مېنجمنټ (اېن ډی اېم اے) ترسېوري لاندې د نېشنل اېمرجنسی آپرېشنز سېنټر (اېن ای او سی) او د نورو وفاقي او صوبائي اېمرجنسي سروسز ادارو فرضي مشقونو پرانستې سېشن ته خطاب كښې وفاقي وزيرې شېري رحمن ووئيل د قدرتي آفاتونو د لاسه رامخې ته كېدونكې زيان كمولو له د ادارو ترمينځه همغږۍ ته اړتيا ده٬ د قدرتي آفتونو څخه وروستو اولنې كار د بنيادي اډانې بحالي وي۔ دې ووئيل كوم هېواد په ځانله د قدرتي آفتونو دلاسه په رامخې ته شوي زيان قابو موندلے نه شي٬ د قدرتي آفتونو څخه وروستو ملګري هېوادونه د ځپلې هېوادونو مرسته كوي۔ شېري رحمان ووئيل د سېبلاب دلاسه پاكستان زيات زيان سره مخ شو٬ د ځپليو رېسكيو كولو او د دوئي د بحالۍ كارونو كښې اېن ډي اېم اے ٬ پي ډي اېم اے او نورو ادارو په ګډه كار كړې په كوم چې دغه ادارې د ستائنې وړ دي۔ دې زياته كړه چې په سباؤن كښې د قدرټي آفتونو مخنيوي له به د بېلو ادارو ترمينځه همكاري زياتول وي۔
ماحولياتي بدلونونه بشري ژوند لويو خطرو سره مخ كوي٬ شېري رحمان
مضمون کا ماخذ : میگا ملینز کے فاتحین
متعلقہ مضامین
