اسلام آباد،یکم ستمبر(اے پی پی) صدر مملکت آصف علی زرداری آکھیے اساں غیر قانونی طور تے بھارتی زیرِ تسلط جموں و کشمیر دے مظلوم عوام دے حقوق سانڳے عظیم کشمیری رہنما، سی?? علی شاہ گیلانی دی جراتمندانہ جدوجہد کوں خراج عقیدت پیش کریندوں ۔ او ݙھاکیں تئیں امید تے مزاحمت دا چراغ بݨیے رہیے تے بے شمار کشمیریاں کوں خودارادیت دی جدو جہد اچ ثابت قدم رہݨ دا حوصلہ ݙتا۔ کشمیری عوام دے جائز مقصد سانڳے انھاں دی انتھک محنت اتے قربانیاں ساݙے دل و دماغ اچ ہمیشہ نقش ر??سن ۔ایوان صدر دے پریس ون?? توں جاری بیان موجب اے ڳالھ صدر مملکت آصف علی زرداری کشمیری حریت رہنما سی?? علی شاہ گیلانی دے تریجھے ورھیݨے تے آپݨے سنھیے اچ آکھی اے ۔ صدر مملکت آکھیےسی?? علی شاہ گیلانی ھک عظیم رہنما ہن تے جموں تے ??شمیر دے عوام دے حق خودارادیت سانڳے انھاں دا عزم غیر متزلزل ہئی ۔ قابض بھارتی افواج دی طرفوں نظر بندی اتے قید و بند دیاں صعوبتاں دے باوجود، او مقبوضہ جموں وکشمیر دے عوام سانڳے آواز چیندے رہیے ۔ قید و بند سودھے انھاں دی ذاتی مشکلات انھاں دے عزم کوں کچا نہ کرسڳیاں تے نہ ہی او آپݨے مشن توں پچھوں ہٹیے ، گیلانی صاحب ہمیشہ اپݨی توجہ حتمی مقصد تے رکھی تے ??ݙاہیں وی کشمیری عوام کوں انھاں دے بنیادی حق خودارادیت دی جدو جہد توں ہٹݨ نی ݙتا ۔ سی?? علی شاہ گیلانی دا ورثہ ھک طاقتور محرک اے جیڑھا اڄ وی کشمیری عوام کوں تحریک ݙیندے۔ انھاں دی قیادت اتے جبر دے خلاف ثابت قدمی مقبوضہ جموں وکشمیر دی عوام تے ??ھاٹے نقش چھوڑئن ۔ صدر مملکت آکھیے اڄ اساں اے عہد کریندوں جو سی?? علی شاہ گیلانی اتے بے شمار ٻئے لوکاں دیاں قربانیاں کوں ضائع نہ ون??ݨ ݙیسوں ۔ اساں اقوام متحدہ دی سلامتی کونسل دی قرارداداں موجب مقبوضہ جموں و کشمیر دے عوام دے حق خودارادیت گھنݨ سانڳے آپݨی جدو جہد جاری رکھیسوں ۔ میں اپݨے کشمیری بھراویں تے بھیݨاں کوں یقین ݙوینداں جو پاکستان انھاں دی جائز جدوجہد سانڳے آپݨی اخلاقی، سفارتی، تے سیاسی حمایت جاری رکھیسی- آصف علی زرداری آکھیے اساکوں سی?? علی شاہ گیلانی دی مثالی بہادری اتے آزادی و انصاف دے اصولاں توں انھاں دی غیر متزلزل وابستگی توں سبق سکھݨا چاہیدے انھاں دعا کیتی جو اللہ تعالیٰ سی?? علی شاہ گیلانی تے آپݨیاں رحمتیں نازل فرماوے۔ آمین
