اسلام آباد ۔ 9 جون (اے پی پی) نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل محمد افضل نال ڈاکٹر طاہر شمسی ملاقات کیتی تے پلازمہ تھراپی دے ذریعے کورونا مریضاں دے علاج دے حوالے نال گال مہاڑ کیتی گئی ۔ ملاقات اچ ملک اچ پلازمہ تھراپی دی موجودہ سہولتاں دا جائزہ گھدا گیا تے فیصلہ کیتا گئے جو پلازمہ تھراپی دے ذریعے علاج دیاں سہولتان کوں ودھایا ویسی ۔ چیئرمین این ڈی ایم اے آکھیے جو ایں سلسلے اچ این ڈی ایم اے ضروری سہولتاں ڈیسی ۔ انہاں آکھیے جو رضاکارانہ پلازمہ عطیہ کرنڑ آلیں کیتے خصوصی ہیلپ لائن شروع کریندے پیوں۔ پلازمہ عطیہ کرنڑ آلے لوکاں دی ساری معلومات کوں راز اچ رکھیا ویسی ۔ لیفٹیننٹ جنرل افضل آکھیے جو کورونا توں صحت مند تھیونڑ آلے ودھ توں ودھ لوک اپنڑاں پلازمہ عطیہ کرن ۔
مضمون کا ماخذ : میٹھا بونانزا
