اسلام آباد۔ 3 جون (اے پی پی) وزیر مملکت برائے کیڈ ڈاکٹر طارق فضل چوہدری آکھے جو اساں عدلیہ ،میڈیا اتے اپوزیشن دا احترام کریندے ہئیں جڈانجو وزیر اعظم دے عہدے دا وی احترام تھیونڑاں چاہیدے ۔ عدلیہ بحالی تحریک دے دوران ڈو سپاہیاں عمران خان کوں گھر توں باہر آونڑ دی اجازت کائناں ڈتی ہئی ۔ حسین نواز اتے حسن نواز دی جے آئی ٹی اچ پیشی ایں گالھ کوں ظاہر کریندی ہے جو مسلم لیگ (ن)عدلیہ اتے جے آئی ٹی دا احترم کریندی ہے ۔ اے گالہیں انہاں چھنڑ چھنڑ کوں وزیر اعظم محمد نواز شریف دے پُتر حسین نواز دی جے آئی ٹی اچ پیشی دے موقعے تے صحافیوں نال الیندے ہوئیں آکھیاں۔ ایں موقعے تے وزیر اعظم دے معاون خصوصی برائے سیا سی امور ڈاکٹر آصف کرمانی اتے ڈپٹی میئر اسلا م آباد سید زیشان شاہ وی انہاں دے نا ل موجود ہن ۔ ڈاکٹر طارق فضل چوہدری آکھیا جو پاکستان مسلم لیگ ن دی حکومت اتے وزیر اعظم محمد نواز شریف قنون دی بالادستی دی نہ صرف گالھ کیتی ہے جڈانجو ایندا عملی ثبوت وی ڈتے ، جو اساں قنون دی حکمرانی اُتے پورا یقین رکھیندے ہئیں ۔ انہاں آکھیا جو پاکستان اچ کئی مائی دا لال ایں طرح دا کائنی جئیں عدلیہ دے تقدس اتے ایندی تکریم کیتے ،عدلیہ دی بحالی کیتے اتنیاں قربانیاں ڈتیاں وہون اتے اتنی کوشش کیتی ہووے ۔
وزیر مملکت برائے کیڈ ڈاکٹر طارق فضل چوہدری دی حسین نواز دی جے آئی ٹی اچ پیشی دے موقعے تے صحافیا ں نال گالھ مہاڑ
مضمون کا ماخذ : اسکریچ کارڈز خریدیں
متعلقہ مضامین
