اسلام آباد ۔ 21دسمبر(اے پی پی) صدرمملکت ڈاکٹرعارف علوی جسٹس گلزار احمد توں چیف جسٹس آف پاکستان دے عہدے دا حلف گھدا، حلف برداری دی تقریب ہفتے کوں ایوان صدر اچ منعقد تھئی ۔ تقریب اچ وزیراعظم عمران خان وی شرکت کیتی۔تقریب حلف برداری دا آغاز تلاوت کلام پاک نال تھیا قاری بزرگ شاہ الازہری تلاوت قرآن پاک دی سعادت حاصل کیتی۔ تقریب اچ چیئرمین سینیٹ صادق سنجرانی ، سپیکر قومی اسمبلی اسد قیصر،گورنرز،وفاقی وزرائ، معاونین خصوصی،مشیران، مسلح فوج دے سربراہان،جج صاحبان، بارکونسلز دے نمائندیں تے وکلاءسمیت مختلف شعبیں نال تعلق رکھنڑ آلی شخصیات شرکت کیتی۔واضح رہے جوسابق چیف جسٹس آف پاکستان جسٹس آصف سعید خان کھوسہ اپنڑی مدت ملازمت پوری کرتے گزریل ڈینھ ریٹائرڈ تھی گے ہن ۔
مضمون کا ماخذ : لاٹری ٹکٹ کے نتائج
