اسلام آباد۔31مئی (اے پی پی) په اسلام آباد کښې په خارجه دفتر كښې د ملګرو ملتونو په ملاتړ د ملګرو ملتونو دسولې مشن 75مې کاليزې لمانځلو دستوره وشوه چې پکښې تر دې مهال 2 لكه څخه زياتو پاكستاني مېرمنو او سړو ته د عقيدت پېرزوئنې وړاندې كړې شوې كومو كښې چې كال 1960 څخه تر دې دمه د ملګرو ملتونو په 46 مشنونو کښې خدمات ترسره کړي او په دوئي كښې 171 كسانو خپل ژوند له لاسه وركړې دې۔ د شورو په ورځ د خارجه دفتر لخوا جاري شوي يو ګډ بيان ترمخه پاکستان د ملګرو ملتونو په امن مشن کښې تر ټولو زيات پوځيان ورکوؤنکو هيوادونو کښې شامل دي چرته چې دا مهال د نړۍ په نهو ځايونو کښې 4334 عسکر او پوليس اهلكار خپل خذمات ترسره كوي۔ غونډې ته په وينا كښې دبهرنيو چارو وزير مملكت حنا رباني کهر ووئيل پاکستان دملګرو ملتونو امن مشن سره په خپل اوږد مهاله تړون وياړ لري۔ دې په ټوله نړۍ کښې د سولې ګډو اهدافو مخ په وړاندې بوتللو له د ملګرو ملتونو د امن ډلو د خذماتو او قربانيو ستائنه وكړه او نړۍ كښې امن په ځايې كولو له د ملګرو ملتونو روان امن مشن له يۍ د مضبوط عزم او ملاتړ پخلې وكړو۔ په پاكستان كښې د يو اېن ډي پي استازي نټ اوسټبي د ملګرو ملتونو لخوا په خپلو څرګندونو كښې ووئيل دا مهال په ټوله نړۍ کښې د سولې د ټينګښت لپاره له 80 زرو څخه زياتې ښځې او نارينه له امن ډلو سره تړلې مهم کار ترسره کوي٬ مونږ د پاكستان هم مننه كوؤ كوم چې د نړۍ په کچه د سولې په برخه کې پنځم لويې مرسته کوونکی هېواد دے۔ په دې موقع دب هرنيو چارو وزير مملكت د حکومت، خارجه سفارتونو، د ملګرو ملتونو ادارو اؤ پرمختيائي شريکانو په ګډون په ملګرو ملتونو کښې د پاکستاني امن ډلو او په ملګرو ملتونو كښې د پاكستان د کارکوونکو عکسونو يو نندارتون پرانسته وکړه۔ په دې دستوره كښې د ملګرو ملتونو استازو، د بهرنیو چارو وزارت او د پوځ د مرکزي دفتر (جی ایچ کیو) د پالیسۍ كچې لوړ پوړو چارواکو او د ملګرو ملتونو په ماموریت کښې خدمت کوونکې یوې میرمنې ګډون وكړو كومې چې په کانګو جمهوریت کښې د پاکستان په امن ډله كښې برخه اخستې وه۔ دې سره دوه پېنل مباحثې هم وكړې شوې۔ پینلسټانو د ملګرو ملتونو د امن په ځايې ساتلو مهم کردار، ارتقا او په دې ستره هڅه كښې د پاکستان د همكارۍ په اړه هم د خيالاتو څرګندونه وكړه۔ تيره اوونۍ په نيويارک کښې دملګرو ملتونو عمومي سېكتر انتونيو ګوترېس دملګرو ملتونو د4,200 څخه د زيات امن عسكرو په ياد كښې د ګلونو ګېډۍ وړاندې كړې كومو چې د 1948م راهسې د امن اؤ امنيت په ساتلو کښې خپل ژوند دلاسه ورکړې چې پکښې 171 پاکستاني هم شامل وو۔ ګوټریس د یوې غونډې مشري وکړه چې په ترڅ کښې یې 103 عسكرو ، پولیس او سوېلين امن ډلو ته بعد از مرګ “ډېګ همارسك جولډ” مېډلز وركړې شول په كومو كښی چې 8 پاكستاني هم شامل دي۔ له 1948 راهیسې تر دې دمه د 125 هیوادونو څخه د دوه ملیون څخه زیاتو سوله ساتونكو ډلو په ګرده نړۍ كښې په 71 عملیاتو کښې خذمات ترسره كړي دي۔ د ملګرو ملتونو د امن ډلو نړیواله ورځ هر کال د مئي په 29مه نېټه لمانځلې شي كومه چې د ملګرو ملتونو عمومي اسمبلۍ لخوا په كال 2002 كښې تاسيس شوې وه۔ ملګري ملتونه ټولو هغو ښځو او نارینوو ته د عقيدت پېرزوئنې وړاندې كوي كومې چې د سولې په لاره کښې خپل ژوند له لاسه ورکړې دې۔
د ملګرو ملتونو امن مشن 75 م كاليزه لمانځلو له په خارجه دفتر كښې دستوره
مضمون کا ماخذ : jogos de azar no Brasil
متعلقہ مضامین
