راولپنڈی۔ 26 دسمبر (اے پی پی)کنٹرول لائن تے بھارتی فوج دی بلا اشتعال فائرنگ نال پاک فوج دے دو جوان شہید تھی گین جڈاں جو پاک فوج دے زوردار ولدے اچ 3 بھارتی فوجی ماریے گین اتے کئی زخمی تھین۔پاک فوج دے شعبہ تعلقات عامہ (آئی ایس پی آر)دے ڈائریکٹر جنرل میجر جنرل آصف غفور اپنڑے ٹویٹ اچ آکھیے جو گذریل 36 گھنٹے اچ بھارت ایل او سی تے جنگ بندی معاہدے دی کئی و اری خلاف ورزی کیتی اے جڈاں جو ولدے اچ کنٹرول لائن دے حاجی پیر سیکٹر اچ بھارتی فوج دی بلا اشتعال فائرنگ تے پاک فوج چنگاں ولدا ڈتے ،ایں کارروائی اچ صوبیدارسودھے 3 بھارتی فوجی موئن اتے کئی زخمی تھین۔ کنٹرول لائن دے دیوا سیکٹر اچ بھارتی فوج دی بلااشتعال فائرنگ نال پاک فوج دے2 جوان وی شہید تھین جیندے اچ نائب صوبیدار کانڈیرو اتے سپاہی محمد احسن شامل ہین۔
مضمون کا ماخذ : عمومی کلیدی الفاظ
