اسلام آباد ۔ 3 جنوری (اے پی پی) نیول چیف ایڈمرل ظفر محمود عباسی آکھیے جو کوسٹل کمانڈ اوکھے جغرافیائی حالات دے باوجود ساحلی پٹی تے ہر قسم دے اندرلے تے باہرلے خطریں نال نبڑنڑ دی ودھ ساری صلاحیت رکھیندی اے ، پاک چین اقتصادی راہداری اتے گوادر پورٹ دی سکیورٹی کیتے کوسٹل کمانڈ ہر لحاظ نال تیار اے ۔ او پاکستان نیوی کوسٹل کمانڈ دی سالانہ ایفیشنسی کمپٹیشن پریڈ 2019 نال خطاب کریندے پئے ہن ۔ ترجمان پاک بحریہ دے مطابق پاکستان نیوی کوسٹل کمانڈ دی سالانہ ایفیشنسی کمپٹیشن پریڈ 2019 اچ چیف آف دی نیول اسٹاف ایڈمرل ظفر محمود عباسی تقریب دے مہمان خصوصی ہن ۔ انہاں کوسٹل کمانڈ دی2019 دے دوران اپریشنل سرگرمیاں تے اطمینان دا اظہار کیتا ۔پاک بحریہ دی کوسٹل کمانڈ دی ذمے واری دا علاقہ مشرق اچ سر کریک توں مغرب اچ جیوانی تئیں کھنڈیا ہویا اے ، نیول چیف سال2019اچ چنگی کاکردگی ڈکھاونڑ آلے ایونٹس کوں انعام وی دتے ۔
کوسٹل کمانڈ ساحلی پٹی تے ہر قسم دے اندرلے تے باہرلے خطرے نال نبڑنڑ دی صلاحیت رکھیندی اے ،ایڈمرل ظفر محمود عباسی
مضمون کا ماخذ : لوٹیریا کا اطلاق
متعلقہ مضامین
