اسلام آباد ۔ 24 جنوری (اے پی پی) وفاقی وزیر خزانہ اسد عمر آکھیے جو ملکی معیشت کوں درست راہ تے سٹ ڈتے،اوکھے فیصلے کرچکیے ہیں،قتصادی اصلاحات دا بل اقتصادی و ڈھانچہ جاتی اصلاحات تے عملدرآمددا پہلا مرحلہ اے جیندے اچ صنعت وزراعت کوں مراعات ڈتیاں گین،حکومت سرکاری شعبے دے اداریاں دی کارکردگی چنگی کرنڑتے توجہ ڈتی اے،گذریل چھی مہینے اچ نجی شعبے کوں ڈتے ونجنڑ آلے قرضہ جات دی شرح 13 سال دی بلند ترین سطح تے اے، آئی ایم ایف نال معاہدہ صرف ملکی معیشت دی لوڑھ دے مطابق ہی کیتا ویسی، سٹیل ملز کوں اپنڑے پیریں تے کھڑا کرنڑ کیتے ایندی پیداواری صلاحیت ترائے ملین ٹن سالانہ تے گھن ویسوں۔ اے گالھ انہاں اسلام آ ٓباد اچ وزیر مملکت برائے مواصلات حماد اظہردے نال سینئر اینکر پرسنز اتے صحافیاں نال الویندے آکھی۔انہاںا ٓکھیا جو اقتدار سنبھالنڑ توں بعد پہلا اوکھا مرحلہ معاشی بقاءدا ہا، ڈوجھے مرحلے اچ معاشی اتے اقتصادی سمت کیتے اقتصادی ماہرین اتے اداریاں دے نال نال سارتے فریقین نال صلاح مشورہ کیتا گئے جڈاں جو تریجھے مرحلے اچ اقتصادی اصلاحات تے عمل درآمدہا۔کل جیہڑااقتصادی اصلاحات دا بل پیش تھئے او اقتصادی وڈھانچہ جاتی اصلاحات تے عمل درآمددا پہلا مرحلہ اے ، اے بیرونی خسارے اچ ودھارے دے مسلے نال نمٹنڑ کیتے ضروری ہا، ضمنی بل اچ ودھ مراعات کاروبار اتے کاروباری سرگرمیاں دے ودھارے یتے ڈتیاں گین، ہنڑ سرمایہ کاری دی بجائے ایندے توں ملنڑ آلے منافع تے ٹیکس وصولی تھیسی،کوشش کریسوں جو آئرن اتے کولہ وی پاکستان دا استعمال تھیوے جیندے نال درآمدی بل اچ واضح کمی آسی۔ ایں موقع تے وزیراعظم دے مشیر عبدالرزاق داﺅدپاکستان سٹیل ملز چلاونڑ کیتے کوششاں خاص کر روس اتے چین دے تعاون بارے پریزینٹیشن ڈتی۔
ملکی معیشت کوں درست راہ تے سٹ ڈتے،اوکھے فیصلے کرچکیے ہیں، وزیر خزانہ اسد عمر
مضمون کا ماخذ : خون چوسنے والے II
متعلقہ مضامین
