اسلام آباد ۔ 13 مئی (اے پی پی)وفاقی وزیر مواصلات و پوسٹل سروسز مراد سعید آکھیے جو بلاول زرداری تے سندھ حکومت کوں این ایف سی دے ذریعے ملنڑ آلے 62فیصد حصے دا جواب ڈیونڑاں ہوسی ۔سندھ دے عوام دا پیسہ اتھاں دے عوام تے خرچ کیتا ہوندا تاں ہر سال سندھ اچ غذائی قلت پاروں سینکڑاں بالاں دی موت نہ تھیندی ، ایں نی تھی سگدا جو تساں سندھ دا نعرہ لاتے سندھ کوں لوٹیندے رہو ۔اے گال انہاں بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں آکھی اے انہاں آکھیے جو پاکستان تحریک انصاف دی حکومت احساس پروگرام دے تحت پسے ہوئے غریب خانداناں کیتے 12ہزار روپے فی خاندان اتے چھوٹے کاروباری لوکاں کیتے 2 سو ارب روپے دا پیکج ڈتے ، لاک ڈاﺅن دی صورتحال پاروں بے روزگار تھیونڑ آلے تے نینگراں کیتے وی پیکیج دا اعلان کیتا گئے ۔سندھ دے لوکاں کوں نہ راشن میسر اے نہ پیونڑ دا صاف پانڑیں ۔سندھ بلڈنگ کنٹرول اتھارٹی قبضہ مافیا دا گڑھ بنڑ گئے جیرھا ہر چیز تے قبضہ کریندے ۔
بلاول زرداری اتے سندھ حکومت کوں این ایف سی دے ذریعے ملنڑ آلے 62 فیصد حصے دا جواب ڈیونڑاں ہوسی ، وفاقی وزیر مواصلات و پوسٹل سروسز مراد سعید
مضمون کا ماخذ : کراچی لاٹری
متعلقہ مضامین
