اسلام آباد ۔ 19 نومبر (اے پی پی) وفاقی وزیر امور کشمیر و گلگت بلتستان علی امین گنڈا پورآکھیے جو وزارت آزاد کشمیر اتے گلگت بلتستان اچ سرکاری شعبے دے ترقیاتی پروگرام دے تحت چلنڑ آلے سارے ضروری منصوبیں دی وختی تکمیل کیتے بھر پور تعاون کریندی پئی اے ،منصوبیں متعلق مسائل ترجیحی بنیاداں تے حل کیتے ویندے پن ،منگل کوں وزارت امور کشمیر اچ وزیر امور کشمیر دی زیرصدارت اعلیٰ سطح دا اجلاس منعقد تھیا جیندے اچ آزاد کشمیر اتے گلگت بلتستان توں اعلیٰ حکام شرکت کیتی ۔ اجلاس اچ سرکاری شعبے دے ترقیاتی پروگرام (پی ایس ڈی پی) منصوبیں تے پیشرفت دا جائزہ گھدا گیا ۔ حکام وفاقی وزیر کوں سرکاری شعبے دے ترقیاتی پروگرام دے تحت چلنڑ آلیں منصوبیں دے حوالے نال تفصیلی بریفنگ ڈتی ۔ایں موقع تے وزیر امور کشمیر متعلقہ حکام کوں ہدایت کیتی جو عوامی مفاد دے منصوبیں دی وختی تکمیل اچ کوئی کسر نہ چھوڑی ونجے ۔ ادائیگیاں دے نظام اچ بہری نال پی ایس ڈی پی منصوبیں اچ پیشرفت تھئی اے
آزاد کشمیر اتے گلگت بلتستان اچ پی ایس ڈی پی دے تحت چلنڑ آلے سارے منصوبیں دی وختی تکمیل کیتے بھرپور تعاون کریندے پیوں ،وفاقی وزیر امور کشمیر و گلگت بلتستان علی امین گنڈا پور
مضمون کا ماخذ : جنگل کا بادشاہ
متعلقہ مضامین
