لاہور ۔ 28 اکتوبر (اے پی پی) وزیراعظم عمران خان ہدایت کیتی جو سالانہ ترقیاتی منصوبیاں کوں ویلھے تے بنڑاونڑ سانگے عملی کم تے توجہ ڈتی ونجے،کھاونڑ پیونڑ دی شہیں ،کنڑک اتے اٹے دے نرخاں کوں گھٹ توں گھٹ رکھیا ونجے،عوام کوں اجوکی حکومت دے فلاحی کماں بارے ڈسیا ونجے۔سرمایہ کاری دے موقعیاں کوں ودھایا ونجے۔سنوار کوں وزیر اعظم عمران خان دی صدارت اچ اہم اجلاس تھیا جئیں اچپنجاب دی مالیاتی اتے معاشی پالیسی بارے بریفنگ ڈتی گئی ۔ صوبائی وزیر خزانہ ہاشم بخت بریفنگ ڈیندیں ہوئیں آکھیا جو صوبائی حکومت پہلے چھی مہینیاں دے اہداف کوں گزریل سال دے نسبت چنگے طور تے حاصل کرنڑ دی پوزیشن اچ اے۔ صوبائی وزیر خزانہ ہاشم بخت وزیراعظم کوں ڈسیا جو ایں مالی سال دے ترقیاتی بجٹ اچ پچھلے سال دے نسبت نشابر ودھارا کیتا گے اتے سماجی بہبود دے منصوبیاں تے خاص توجہ ڈتی ویندی پی اے۔ایں موقع تے وزیراعظم آکھیا جو سالانہ ترقیاتی منصوبیاں کوں ویلھے تے بنڑاونڑ سانگے عملی کم تے توجہ ڈتی ونجے،کھاونڑ پیونڑ دی شہیں ،کنڑک اتے اٹے دے نرخاں کوں گھٹ توں گھٹ رکھیا ونجے،عوام کوں اجوکی حکومت دے فلاحی کماں بارے ڈسیا ونجے۔
وزیر اعظم عمران خان دی صدارت اچ اہم اجلاس،پنجاب دی مالیاتی اتے معاشی پالیسی بارے بریفنگ ڈتی گئی
مضمون کا ماخذ : سشی ایکسپریس
متعلقہ مضامین
