کراچی۔ 30 مارچ (اے پی پی)وزیراعظم عمران خان دے زیر صدارت کراچی ٹرانسفارمیشن کمیٹی دا اجلاستھئے جیندے اچ صوبہ سندھ خاص کر کراچی دی ترقی کیتے اہم فیصلے کیتے گین، وزیراعظم آکھیے جو کراچی دی ترقی کیتے بی او ٹی دی بنیاد تے 162ارب روپے دا منصوبہ بنڑائے،جیندے اچ 18 ترقیاتی منصوبے شامل ہن،ٹرانسپورٹ کیتے 10منصوبے مکمل کیتے ویسن،پانی دی فراہمی و سیوریج دے 7 منصوبے شامل،پانڑی دی بچت کیتے جامع مہم چلائی ویسی۔وزیر اعظم عمران خان کراچی ٹرانسفارمیشن کمیٹی اجلاس نال خطاب کریندےا ٓکھیا جو حکومت لوکاں کوں خوش کرنڑ کیتے نئیں کراچی دے مسائل دے مستقل حل کیتے کوشش کریندی پئی اے، ڈاہ سالاں کراچی بہوں پچھو تے لگا گئے ایندی وجہ بنیادی ڈھانچے دی قلت اے۔انہاںا ٓکھیے جو کراچی دی ذمہ واری سندھ حکومت تے ہے بھل اندرون سندھ حکومت بنڑا تے کراچی جھیں وڈے شہر کوں نظرا ندازکیتا ویندے، اج صورتحال ہر کہیں تے سامنڑے اے۔انہاںا ٓکھیے جو کراچی اچ سیوریج، کچرا، پانڑی وڈے مسائل ہین، ٹرانسپورٹ دے مسائل وی ودھدے پیین جیندے کیتے حکومت ہک جامع منصوبی ڈیندہ پئی اے جیندا حجم 162ارب روپے ہے، ایندے اچ پانڑی دی فراہمی اتے سیوریج کیتے ست منصوبیاں سودھے کل 18 ترقیاتی منصوبے شامل ہن،ٹرانسپورٹ کیتے وی 10منصوبے مکمل کیتے ویسن۔انہاںا ٓکھیے جو کراچی دا ماسٹر پلان بہون اہم اے، شہر تیزی نال ودھداپئے تہوں پانڑی، بجلی، گیس، سیوریج، گندگی اتے ٹرانسپورٹ سودھے بئے کئی مسلے وی ودھ ویندن،امن وامان دی صورتحال وی بئی چنگی کرنڑ دی لوڑھ اے۔ انہاںا ٓکھیے جو کراچی دی ترقی کیتے اچیاں عمارتاں بنڑایاں ویسن، ایں سانگے ول ایوی ایشن توں تجاویز منگیان گین، وفاقی حکومت وی این سانگے پورا ہتھ ونڈیسی۔
وزیراعظم دی زیر صدارت کراچی ٹرانسفارمیشن کمیٹی دا اجلاس، صوبہ سندھ خاص کر کراچی دی ترقی کیتے اہم فیصلے
مضمون کا ماخذ : جنگل کے راز
متعلقہ مضامین
